“Алматея – Борбор Азиядагы аял” аттуу бул кинофестивалга аталган жумурияттан кино өнөр боюнча адистер, искусство таануучулар чакырылып жана анын жүрүшүндө аялдар туралуу он даректүү тасма көрсөтүлдү. Ошондой эле “Бейөкмөт уюмдардагы аялдар” жана “”Сулуулук бурчунда” аттуу сүрөт көргөзмөлөрү да өттү. Иш-чараны Венадагы “Dialog Central” уюму уюштуруп, ал искусство аркылуу аймактагы аял затына тиешелүү көйгөйлөргө коомчулуктун көңүлүн бурууга багытталган. Гапар Айтиев атындагы көркөм сүрөт музейинде өтүп жаткан кинофестиваль 10-февралда “Кинодогу гендер маселеси” деген аталыштагы тегерек стол менен соңуна чыкмакчы. (ESu)
