УТРКнын байкоочу кеңеши бүгүнкү жыйынында кеңештин Уставы кабыл алынып, УТРК башчысынын ордуна сынак жарыяланмак. Кеңештин айрым мүчөлөрү кворумдун жоктугун саясый оюн деп баалашууда. УТРКнын байкоочу кеңешинин тарап кеткен 6 мүчөсү кайтып келгенден кийин анын курамы 11 кишиге жеткен. Чечим кабыл алууга мүмкүнчүлүк болгон соң байкоочу кеңеш 6-февралда жыйынга чогулууну белгилеген эле. Бирок анда да үч мүчө жүйөөлүү себептер менен катыша албастыгына байланыштуу жыйын бүгүнкүгө которулган болчу.(MSu)