Мындай божомолун аталган жөө жүрүштү уюштуруп жаткан “Мен ишенбейм...” акциясынын катышуучуларынын бири Жоомарт Сапарбаев бүгүн “Азаттыкка” айтты. “Биз И.Ахунбаев атындагы көчө менен Тынчтык проспектиси кесилишкен жерден тарта шаардын борборун карай жөө жүрүш уюштурабыз. Акцияга 100дөй адам келет деп ойлойбуз”, - дейт Ж.Сапарбаев. Биринчи Май райондук администрациясы бул акцияны өткөрүүгө уруксат бербей турганын кечээ билдирген. “Биз арызды 1-февралда бергенбиз. Жоопту бийликтер үч күндүн ичинде бериши керек эле. Алар бизге 12 күн өткөндө айтышты”, - дейт ал. (TD)
