Парламенттин эл аралык иштер жана парламент аралык кызматташуу боюнча комитети мурунку өкмөт башчы Алмазбек Атамбаев түзгөн өкмөттүк комиссия менен «Центерра голд инк» компаниясынын ортосундагы макулдашылган келишимде талаш туудурган маселе көп болгондуктан, келишимди кайра карап чыгууну өкмөткө сунуштады. Комитет канадалыктар менен өкмөттүн буга чейин түзгөн төрт келишимине байланыштуу бардык документтерди, Монголия менен алтын маселеси боюнча макулдашуулардын көчүрмөсүн берүүнү жана ратификациянын мөөнөтүн 30-апрелге чейин узартууну сунуш кылды. Өкмөттүн мурдагы макулдашуусунда бул документ 15-февралга чейин парламентте ратификацияланышы каралган эле. (AJ)
16:03 Эл аралык иштер боюнча комитет өкмөттүн «Центерра голд инк» менен келишимин жактырган жок
