Мындай маалымат облустук акимчиликтин өнөр жай, курулуш, транспорт жана коммуникация бөлүмүнүн башчысы Арыстанбек Ходжаевден алынды. Үстүбүздөгү жылдын экинчи кварталынан баштап 140 чакырымдык «Айгүлташ-Самат» жогорку чыңалуудагы электр линиясы жана Лейлек районунун Карабулак айылына курулуучу жогорку чыңалуудагы подстанциясынын курулуш иши башталат. Бул үчүн Ислам Өнүктүрүү Банкы 13 миллион АКШ доллар каражат бөлгөн. Арыстан Ходжаевдин билдиргениндей, бүгүнкү күндө Ислам Өнүктүрүү Банкы менен кредиттик келишимдерге кол коюлуп, учурда долбоорду аткаруучулар үчүн тендер жүргүзүлүүдө. Белгилеп кетсек, учурда Лейлек району менен Сүлүктү шаарынын дээрлик калктуу отурумдары Тажик электр – энергиясынан көз каранды. (SA)
