Британиянын полициясы Грузиялык бизнесмен жана оппозициячыл саясатчы Бадри Патаркацишвили табигый себептерден улам көз жумган деген алгачкы тыянагын билдирди. Патаркацишвили грузин президенти Михаил Саакашвилинин башкы оппоненттеринин бири жана өткөн айдагы президенттик шайлоодо ага атаандаш талапкер болгон. 12-февраль күнү ал Лондондун четиндеги үйүндө капилет каза тапкан. 52-жаштагы бизнесмендин өлүмү ар кандай жоромолдорго себеп болбошу үчүн британ полициясы анын сөөгү дагы кылдат экспертизага алынаарын кошумчалады.
