Тиешелүү келишимди бүгүн Жогорку Кеңеш ратификациялады. Ага жараша Кыргызстандын коңшу өлкөгө чек аралаш Ысыккөл, Чүй жана Талас менен Казакстандын Жамбыл жана Алматы облустарынын айрым райондорунда чет элдиктер бир өлкөнүн туристтик визасы менен эркин жүрө алышат. Спикер Адахан Мадумаров муну Казакстан жана Кыргызстан үчүн “мини-шенген” катары сыпаттап, бул келишим туризмди өнүктүрүүгө чоң салымын кошот деп билдирди. (JTo)
