Бул тууралуу Багдаддагы пресс-конференцияда Улуттар уюмунун Качкындар иши боюнча жогорку комиссары Антонио Гутеррес билдирди. Анын айтымында, Багдаддагы кызматкерлердин саны мекенинен безип кеткен миллиондогон ирактыктардын кайтып келүүсүнө жардам көргөзүү үчүн көбөйтүлүүдө. Улуттар уюмунун эсебинде, жер которууга мажбур болгон ирактыктардын саны 4,2 миллионго жетет. Алардын жарымына жакыны чет өлкөлөрдө. Бирок ирактык расмий өкүлдөрдүн айтымында, соңку айларда кыянатчылыктардын саны азайганына байланыштуу качкындар кайтып келүүдө.
