Мындай пикирин «Азаттыкка» саясат таанучу Айдарбек Көчкүнов билдирди. Анын айтымында, Косовонун көз карандысыздык жарыялашы эл аралык нормаларга, экинчи дүйнөлүк согуштан кийинки дүйнө түзүлүшүнө, принциптерине каршы саясий окуя болду. «Экинчи дүйнөлүк согуштан кийин Хельсинки келишими бекилип, Европа өлкөлөрүнүн аймагы чектелип, мамлекеттик, саясий макамдарынын баары аныкталган. Ошол эле учурда бул жерде Сербиянын көз карандысыздыгы бузулууда», - дейт саясат таануучу. Өткөн жекшембиде Косово парламенти чукул жыйынында аймакты Сербиядан көз карандысыз мамлекет деп жарыялаган. (SM)
