Бул тууралуу демилгелүү топтун мүчөлөрү маалымат жыйынында билдиришти. Бир ай мурун түзүлгөн бул топ ар кыл бейөкмөт уюмдардын өкүлдөрү, жаштар кыймылдарынын мүчөлөрү, саясат таануучулардан түзүлгөн. Алардын айтымында, учурда менчиктештирүүнүн механизмдери белгисиз болгондуктан, энергетикалык ишканалардын тагдырын чечпей туруу зарыл. "Менчиктештирүүнүн жол-жоболорун иштеп чыгууга бул тармактагы адистер тартылышы керек" деп эсептешет топтун мүчөлөрү. (AiJu)
