Жогорку Кеңештин Жер, агрардык маселелер, экология жана өзгөчө кырдаал комитети түштүк борбордогу көчмө жыйынында Оштогу жер титирөөнүн кесепеттери жана аны жоюунун чаралары маселесин талкуулады. Республикалык жана жергиликтүү чоңдордун катышуусундагы көчмө отурумунда парламенттин аталган комитетинин төрагасы Жусупжан Жээнбеков жана комитеттин мүчөлөрү Каржы министрлигинин, кыргыз ресурстары мамлекеттик ишканасынын кырсыктын кесепеттерин чететтүү багытындагы жумуштарын канааттандырарлык эмес деп тапса, өкмөт алдындагы Архитектура жана курулуш агенттигинин турак жай департаментин жоюу сунушун колдошту. Карасуу районундагы Тапан айылынын өкүлү Медербек Мурзабеков жер титрөөдөн жапа чеккендер жер берүүнү талап кылып жатышкандыгын, ага ылайык ссуда маселесин өкмөт чукул арада чечпесе, жазда эл нааразычылык акциясына көтөрүлөөрүн билдирди. (АТо)
