10:50 “Ата Мекен” партиясы шаардык кеңештин шайлоосуна камынууда

Бишкек шаардык кеңешинин депутаттыгына партиянын атынан талапкерлер жакында такталат. Партиянын маалымат катчысы Жоомарт Сапарбаевдин “Азаттыкка” билдиргени боюнча март айында партиянын шаардык уюму атайын жыйын уюштурууну көздөөдө. Анда борбор калаанын жана шаар тургундарынын социалдык-экономикалык абалы да талкууга алынмакчы.
Бишкек шаардык кеңешине шайлоо быйыл күзүндө өтөт. (ZKo)