Косово боюнча БУУнун Коопсуздук кеңеши акыркы чечимин чыгармайынча, Кыргызстан өлкөнүн көз карандысыздыгын тааныбай турат. Анткени уюмдун №1244-резолюциясына ылайык, бул маселени жөнгө салууда башкы ролду БУУ ойнойт. Анткен менен Кыргызстан көз карандысыздыкты бир тараптуу жарыялоо бүткүл дүйнөдө козголоңчулук маанайдын тарашына алып келет деп эсептейт. Андыктан Кыргызстан тараптарды бул маселени эл аралык укук чегинде, тынч сүйлөшүүлөр аркылуу чечүүгө чакырууда деп айтылат Тышкы иштер министрлигинин расмий билдирүүсүндө. (JTo)
