Бишкек аскер соту Жалалабат облусунун мурдагы губернатору Султан Урманаевдин Аксы окуясына байланыштуу ишин карамакчы. Бул тууралуу Аксылык жабырлануучулардын адвокаты Сартбай Жайчыбеков “Азаттыкка” билдирди. Аксы окуясына боюнча мурдагы сот жараяндарында Султан Урманаевдин иши анын депутаттык кол тийбестигине байланыштуу каралган эмес. Мурдагы губернаторго карата Башкы прокуратура тарабынан “өз ишине шалаакы мамиле жасаган” деген айып тагылган. 2002-жылдын 17-18-мартында Аксы районунда бийликтин аткан огунан алты киши каза тапкан. (ZKo)
