Чукул кырдаалар министрлигинин маалыматы боюнча 24-февралдан 25-февралга оогон түнү саат 3:23тө Алай тоо кыркаларында жер титиреген. Жер титирөөнүн күчү 4,5 баллга жеткен. Министрликтин билдиргенине караганда жер титирөөнүн очогу Дарооткоргон айлынан 70 чакырым алыстыкта турган тоо кыркаларында болуп, калк көп жашаган аймактарда билинген эмес. Алдын ала маалыматтар боюнча жер титирөөдөн жабыркагандар жок. (ZKo)
