Косовонун Сербиядан бөлүнүп кетишине нааразы болгон демонстранттар Баня-Лука шаарында америкалык консулаттын терезелерин сындырып, таш бараңга алышты. Босния-Герцеговинанын бул шаарындагы жалпысынан тынч өткөн демонстрацияга бардыгы болуп 10 миңдей киши келди. Бул жумурият Босниялык серб жумурияты менен мусулман-хорват федерациясынан турат. Бүгүн Европа Биримдиги аны менен алакаларды бекемдөө келишими апрель айында кол коюлаарын билдирди.
