Арменияда президенттикке шайланган Серж Саркисян шайлоодо жеңилген атаандаштарын коалициялык өкмөткө кирүүгө үндөдү. Шейшембиде Еревандагы башкы аянтта чогулган миңдеген тарапкерлерине кайрылып, Саркисян оппозициячыларга ушундай сунушу менен кайрылды. Андан анча алыс эмес “Эркиндик” аянтында болсо шайлоодо жеңилген экс-президент Левон Тер-Петросяндын тарапкерлери 7 күн мурда башталган нааразылык акциясын улантышты.
