28-февралда Аксуу районундагы Сайарык капчыгайында көчкү астында 5 киши калган. Алардын үчөөнүн сөөгү табылып, экөө табыла элек. Аларды издөөгө Өзгөчө кырдаалдар министрлигинен 10 адис, жергиликтүү калктан 40 киши катышууда. Сайарык капчыгайында 350 миң куб метр түшкөндүктөн издөө иштери кыйын болууда, деп белгилешти Өзгөчө кырдаалдар министрлигинен. Сөөгү табылгандар тизмеси: бир туугандар 1984–жыл төрөлгөн Аскаров Нурбек жана 1973-жылы төрөлгөн Камчыбек Аскаров, Кубан Эсенкожоев (1972). Аскаровдордун дагы бир тууганы Айбек Аскаровдун (1974) жана Руслан Чокоевдин (1981) дайыны чыга элек.(AiT)
