Кечээ баш калаа Ереванда президенттик шайлоонун жыйынтыктарына нааразы болгон демонстранттар күч менен таркатылып, кийинчирээк эл кайрадан чогула баштаган. Полициянын басма сөз өкүлү өлгөн адамдар ким экенин тактаган жок, бирок 33 полициячы жарадар болгонун кошумчалады. Бүгүн шаардын көчөлөрүн аскерлер жана оор техника кайтарууда. Президент Роберт Кочарян 20 күнгө чукул кырдаал жарыялады. Европадагы коопсуздук жана кызматташтык уюмунун учурдагы төрагасы Арменияга атайын чабарманын жиберди. Ал президенттик шайлоону жеңген өкмөт башчы Серж Саркисян жана оппозициясын лидери Левон Тер Петросян менен жолугушмакчы.
