“Алиби” гезитине жарыяланган “Президенттин инисинин ишин ким тергейт?” деген жана “Де-Факто” гезитине басылган “Жаныш Бакиевдин уулу жоопко тартылабы?” деген макала үчүн Жаныш Бакиевдин уулу Асылбек Салиев басылмаларды сотко берген. Ал доо арызында соттон басылмаларлан 1 млн. сомдон, ал эми макала жазган авторлордон 500 миң сомдон айып өндүрүп берүү өтүнгөн. Бул боюнча сот иши 4-март күнү Биринчи Май райондук сотунда болорун, “Алиби” гезитинин башкы редактору Рыскелди Момбеков “Азаттыкка” кабарлады. (ZKo)