Эл аралык валюта кору мындай билдирүүнү бүгүн быйыл бүтө турган программасынын аткарылышын иликтегенден кийин жарыя кылды. 2007-жылы экономикалык өсүш болду, бирок инфляция кескин жогорулады деген валюта кору азык-түлүк менен энергетиканын дүйнөлүк баасы өсүп жаткандыктан Кыргызстандын быйылкы жылдагы экономикалык өнүгүүсү 5-7 пайыз болушу мүмкүн деп билдирди. Инфляцияны ооздуктоо үчүн чечкиндүү экономикалык саясат, анын ичинде акча-кредиттик саясатты күчөтүү жана банк тармагында көзөмөлдү чыңдоону сунуш кылды. (BD)