Орусиянын кызмат мөөнөтү аяктап жаткан президенти кечээ Москвада немис канцлери Ангела Меркел менен жолугушкандан кийинки сөзүндө Путин НАТОнун кеңейүүсүнүн улана бериши пайдасыз жана зыяндуу экенин эскертти. Ал ошондой эле Орусиянын жаңы шайланган президенти Дмитрий Медведевдин тушунда деле Батыш өлкөлөрү Москва менен мамилеси жеңил болот деп күтпөшү керектигин кошумчалады. Дмитрий Медведев президенттик кызматка май айында расмий киришип, ал эми Путин премьер-министрликке келери күтүлүүдө.
