Кыска мезгилдүү эмгек өргүүсүн Германияда өткөрүп жаткан Курманбек Бакиевке өткөн жуманын аягында республикадагы абал боюнча телефон аркылуу маалымат берилгенин мамлекет башчынын басма сөз кызматы кабарлады. Президент тарабынан коюлган көрсөтмөлөрдүн жана тапшырмалардын аткарылышы боюнча премьер-министри Игор Чудинов президенттин администрация жетекчиси Медет Садыркулов, экономикалык өнүгүү жана соода министри Акылбек Жапаров, транспорт жана коммуникация министри Нурлан Сулайманов жана Бишкек шаарынын мэри Данияр Үсөновдор тарабынан маалымат берилди. (KCh)
