Сербиянын тышкы иштер министри Вук Йеремич БУУнун Коопсуздук кеңешинин атайын отурумунда сөз сүйлөп, Косовону тааныган мамлекеттерди бул чечимин кайра карап чыгууга чакырды. Ошону менен бир катар, Вук Йеремич февралдын ортосунда көз карандысыздыгын бир жактуу жарыялаган Косового каршы Белграддын күч колдонуу жана эмбарго киргизүү ниети жок экендигин белгиледи.
