Бүгүн Талас телекомпаниясына мурдагы компаниянын жетекчисинин орунбасары Бурмагүл Чабдарова жетекчи болуп дайындалды. Бурмагүл Чабдаровага 11-мартта Кыргыз улуттук телекорпорациянын башчысы Мелис Эшимкановдун чыгарган буйругу менен губернатордун маалымат катчысы Бакай Садыров аталган компаниянын кызматкерлерине тааныштырды. Ал эми мурдагы жетекчи Машакбай Рахманкулов бул жерде саясий куугунтук жок дегени менен, учурунда телеберүүлөр эки тараптуу чагылдырылып жатканы бийлик башчыларына жакпай келгенин айтууда. Рахманкулов мындан аркы кадамы тууралуу жыйынга катышпагандан кийин буйрукту өз көзү менен көрмөйүнчө азырынча эч нерсе айта албастыгын “Азатыкка” билдирди. (UA)
22-Апрель, 2021 бейшемби, Бишкек убактысы 18:04
