Жума күнү Нью-Йоркто ири ишкерлер, банкирлер, экономисттер алдында сүйлөгөн сөзүндө Жорж Буш америкалык экономика азыр татаал мезгилди баштан кечирип жатканын моюнга алды. Бирок ал кайра калыбына келерине ишеним билдирди. АКШ президенти бул тууралуу америкалык экономиканын начарлоосунун жаңы белгилери чыгып жаткан шартта айтты. Доллардын нарксыздануусу уланууда, бул аралыкта мунай менен алтындын баасы өсүп жатат. Буштун айтымында, анын администрациясы жана Федералдык резерв системасы экономиканы стимулдаштырууну көздөгөн чараларды кабыл алды. АКШ президенти ошондой эле өз сөзүндө элди сабырдуулукка чакырды.
