Биринчи май райондук соту бүгүн Жогорку Кенештин имаратынын алдында өткөн нааразылык иш-чаранын ондой катышуучусунун ишин бөлүп-бөлүп караш үчүн эртең жана бүрсүгүнкүгө калтырды. Бул тууралуу ”Мен ишенбейм” кыймылынын мүчөсү Мирсулжан Намазалиев “Азаттыкка” кабарлады. Жаштар Административдик кодекстин 371 жана 392 беренелери боюнча мыйзамга жана милицияга баш ийген жок, нааразылык чараларды өткөрүү эрежесин бузган деп айыпталууда. Эгер күнөөлөрү далилденсе кыргыз мыйзамдарына ылайык акчалай айып салынат же он беш күнгө эркинен ажыратылышы ыктымал. (EBM)
