Чейнинин айтымында, ал Иракка Кошмо Штаттардын ирак элин колдоору жөнүндөгү убадасын дагы бир жолу ырастоо үчүн жөнөтүлдү. АКШ вице-президенти бул тууралуу бүгүн Багдадда ирак премьери Нури ал–Малики, Кошмо Штаттардын бул жердеги элчиси Раян Крокер жана америкалык аскерлердин командачысы Девид Петреус менен жолуккан соң билдирди. 20-мартта Иракка коалициялык аскерлер басып киргенине 5 жыл толууда.
