Жыйындын соңунда кабыл алынуучу резолюцияга толуктоолорду жана кошумчаларды киргизүү тууралуу чечим кабыл алынды. Алты талаптан турган резолюцияга кыргыз- казак чекарасындагы талаштуу жерлер жана Ысыккөлдөгү төрт пансионатты Казакстанга берүү маселесин, Аксы окуясы Элдик сотко чыгарылгандай эле БШКнын иш аракеттерин Элдик сотто каралсын деген сунушту, өлкөдөгү баанын кымбатташына байланыштуу маселени киргизүү сунушталды. Андан сырткары көз карандысыз маалымат каражаттарына бийлик тараптан кысымдын күчөшүнө байланыштуу акцияларды апрель айынын башталышында өткөрүү каралды. (AJ)
