17-мартта Жогорку Кеңештин имаратынын алдындагы аянтта “саясий зоопарк” аттуу нааразылык акциянын катышуучулары Тилек Сыдыков, Жоомарт Сапарбаев жана Жаныбек Кожоевге Биринчи май райондук соту бүгүн миң сомдон айып салды. Алар Административдик кодекстин 371 жана 392 беренелерине ылайык мыйзамга жана милицияга баш ийген жок, нааразылык чараларды өткөрүү эрежесин бузган деп күнөөлөнүшүүдө. Тилек Сыдыковдун “Азаттыкка” билдиришинче алар бул чечим менен макул эмес, ошондуктан Бишкек шаардык сотко доо арыз менен кайрылашмакчы. (EBM)
