Мындай абал алдыдагы Нооруз майрамында жана 24-март – Элдик ыңкылап күнүндө коомдук тартипти жана коопсуздукту камсыздоо максатында киргизилип, ал 25-мартка чейин созулат. Бул тууралуу ички иштер министри Молдомуса Конгантиев Германияда эс алууда жүргөн өлкө президенти Курманбек Бакиев менен кечээ телефон аркылуу сүйлөшүүсү учурунда билдирген. Бул тууралуу президенттин маалымат кызматынан кабарлашты. Министр ошондой эле президентке өлкөдөгү кырдаал туруктуу экенин айткан. (SM)
