Мындай пикирин “Азаттыкка” “Демократия жана атуулдук коом үчүн” коалициясынын жетекчиси Динара Ошурахунова билдирди. Анын айтуусунда расалык дискриминациядан улутчулдук, ксенофобия, диний бөлүнүүлөр келип чыгууда. Орусияда кыргызстандык мигранттардын улутчулдардын колунан набыт болушу – ушул эле расалык дискриминациядан улам болуп жаткандыгын көрүнүп турат, деп белгилеген укук коргоочу расалык дискриминацияга жалпы эл аралык коомчулук каршы туруусу керек, ар бир бийлик өз мамлекетинде расизмге каршы күрөш жүргүзбөсө, расизмдин арты чоң жоготууларга алып келет, деп эсептейт. (ZKo)
