Москва районунда иш алып барган бир катар бейөкмөт уюмдардын өкүлдөрү уюштуруп жаткан курултайда 2005–жылы 24-марттын сабактары, анын кесепеттери талкууланмак. Бирок жергиликтүү бийлик курултай өткөрүүгө имарат маселесин чечип бербегендиктен, курултайга келген 50 чакты адам ачык асман алдында кыска мөөнөттөгү жыйын өткөрүп, жергиликтүү бийликтин берген убадаларын сынга алышты. Москва районунун акими Даукен Аринов жыйын өткөрүүгө жергиликтүү бийлик тоскоолдук көрсөтпөстүгүн жана имарат маселеси Беловодск айыл өкмөтүнө тапшырылганын кечээ «Азаттыктын» кабарчысына маалымдаган эле.(MSu)
