Мындай пикирди 2005-жылдагы "Кыргызстан элдик кыймылынын" Бишкек шаардык штабынын мүчөсү болгон журналист Жолдошбек Токоев билдирди. Анын айтымында, элдик ыңкылап күнүнө арналып, бүгүн Улуттук филармонияда өтүп жаткан салтанатка ынкылапты ишке ашыруу максаты менен 2004-жылдан тарта көп эмгек өтөгөн, маселен КЭКтин Бишкек шаардык штабын жетектеген Виктор Черноморец, штаб мүчөсү болгон Дөөлөт Нусупов жана башкалар чакырылган эмес. Андан тышкары кыргыз элинин революциялык аң-сезимин ойготууга чоң салым кошуп, идеологиялык иш жүргүзгөн “Жаңы Кыргызстан” саясий партиясынын төрагасы Үсөн Сыдыковго эл баатыры сыяктуу бийик даражадагы мамлекеттик сыйлыкты ыйгаруу зарыл болчу дейт Ж.Токоев. (BD)
