Президенттин басма сөз кызматынын жетекчиси Досалы Эсеналиевдин маалыматына караганда, президент Курманбек Бакиевдин саламаттыгы менен өлүмү тууралуу эл арасына таралган сөздөрдүн баары имиш. Аны кээ бир күчтөр президенттин кадыр-баркы менен расмий бийликке шек келтирүү максаты менен атайылап таратып жатат. Андан тышкары президент Кыргызстанга 28-мартта кайтып келип, 29-мартта өкмөттүн экономикалык саясат талкуулана турган атайын кеңешмесине катышат, ага даярдык көрүүгө президенттик администрацияга тапшырма берилди деген Д.Эсеналиев ушак таратып жаткан айрым саясий күчтөрдүн өкүлдөрү оппозиция деп так кесе айталбастыгын жана бийликте турган адамдар да эместигин баса белгиледи. (BD)
