Алар кечээ күнү Беларусь Элдик Республикасынын түзүлгөнүнүн 90 жылдыгына байланыштуу акцияга чыгышкан. Бийлик митингчилерди шаардын борборуна чогулбоого буйруп, шаардын башка аянтында митинг өткөрүүгө уруксат берген. Бирок ага карабай борборго чогулган адамдарды миилция күч колдонуу менен кармап кеткен. Оппозиционерлердин башка бөлүгү Илимдер академиясынын аянтында уруксат берилген митинг өткөрүштү. Митингчилер 1918-жылы түзүлгөн Беларусь Элдик Республикасынын тыю салынган туусун, Европа Биримдигинин желегин көтөрүп, саясий туткундарды бошотуу талабын коюшту.
