Өзгөн район акиминин орун басары Матлюба Шарипованын айтымында, 24-марттын түнү Рысбаев атындагы орто мектептин окуучулары отуруштан кайтып келатып, өз ара мушташкан. Чатак учурунда 11-класстын окуучусу Азим Курстанбек уулун кластташтарынын бири бычактап таштаган. Фактынын негизинде кылмыш иши козголуп, тергөө жүрүүдө. Белгилүү педагог Адылбек Батыралиев аталган окуяны мушташ, согуш кинолордун таасири жана мектептердеги тарбия иштеринин чабалдыгынын натыйжасы деп эсептейт. (АТо)
