“Туризм жана саякат -2008” деп аталган эл аралык үчүнчү жарманке 29-30-апрель күндөрү өтөт. Иш-чарага отуз өлкөнүн туристтик компаниялары жана жергиликтүү ишканалар катышмакчы. Туризм боюнча мамлекеттик агенттик маалымдагандай, быйылкы жарманке улуттук колорит менен коштолот. Жарманке башталаардан мурун кол өнөрчүлөрдүн биринчи фестивалы өтөт. Борбордук Ала тоо аянтында боз үйлөр тигилип, улуттук буюм-тайымдар, тамак-аш жана атайы концерттик программа сунушталат. (JTo)
