Кыргызстандагы Бириккен Улуттар Уюмунун “Жаштар программасынын” коомчулук менен байланыш координатору Айнура Жапарованын “Азаттыкка” маалымдаганы боюнча, жаштар саясатын жүргүзүү боюнча сунуш-пикирлер камтылган "Ак китеп" өлкөнүн ар аймактарындагы ЖОЖдор жана мектептерге таратылып, жаштардын кошумча-алымчалары менен бир айдан соң кайра чыгарылат. Буга чейин жаштар, аткаминерлер жана серепчилердин катышуусунда жер-жерлерде тегерек столдор өткөрүлүп, анын натыйжасында жаштар ар багыттарда мамлекеттик саясат жүргүзүү ыкмаларын сунушташкан. (JTo)