Мыйзам долбоору тууралуу депутаттарга маалымдама берип жаткан Акылбек Жапаровдун айтуусунда кээ бир товарлардан бажы төлөмдөрү алынып салынат. Алардын катарында тоо-кен тармагына тиешелүү, ишкерлик кылуу үчүн апкелинип жаткан каражаттар, курулуш материалдарынын, тамак-аштын айрым түрлөрү бар. Депутаттар Кытайдан келип жаткан цементке бажы төлөмүнүн алынып салуусун колдошту. Министрдин айтуусунда Кант цемент шыйпыр комбинатынын чыгарган цементи ички керектөөдөн ашкан учурда гана сыртка сатылууга милдеттендирилген. (ZKo)
