Бүгүнкү күнгө карата облуста алгачкылардан болуп айдап-себүү өнөктүгү Кочкор, Жумгал райондорунда башталды. Облустук акимчиликтин агроөнөр жайды өнүктүрүү жана жаратылышты пайдалануу бөлүмүнөн алынган маалымат боюнча үстүбүздөгү жылы Теңиртоо аймагында 22 миң 260 гектар жер айдалышы күтүлүүдө. Жалпы айдалуучу аянттын 34 миң 1549 гектарын дан эгин ээлейт. Керектелүүчү 8 миң 569 тонна дандык үрөндүн учурда 82 пайызы даяр болууда. Үрөндүн негизги өксүгү Нарын районуна туура келет. Бирок мамлекет тарабынан бөлүнгөн 1600 тонна күйүүчү, майлоочу майлардын бир литри да бериле электигин Нарын облустук акимчиликтин бөлүм башчысы Нарынбек Карыбеков билдирди. (KUs)
