7-апрелде Өмүрбек Текебаев “Ата мекен” партиясынын Базаркоргон району менен Жалалабат шаарындагы активисттери менен баарлашты. Анда 12-апрелде Бишкекте өтчү элдик курултай, ага даярдыктын жүрүшү, түштүк аймактарында саясий партиянын катарын чыңдоо маселеси талкууланды. Мындай маалымат экс-спикердин өзүнөн алынды. Анын айтымында элдик курултайга катышууга партиянын атынан Жалалабат облусунан 15, Ош, Баткен облустарынан ондон адамга орун бөлүштүрүлгөн. Курултайга баруунун жол чыгымдарын партия көтөрөт жана мурда Жалалабат облусунда “Ата Мекендин” миң мүчөсү бар экени аныкталган. Бирок алардын дайын-дарегин тактоо милдети алдыда турат. (YA)
