БУУнун башкатчысы Пан Ги Мун Зимбабвенин шайлоо комиссиясын бир апта мурда өткөн президенттик шайлоонун жыйынтыгын жарыялоого чакырды. Башкатчынын билдирүүсүндө муну кечеңдетүү өлкө конституциясына каршы келери белгиленген. Зимбабвенин оппозициясынын ырастоосунда алардын талапкери Морган Цвангираи шайлоодо президент президент Роберт Мугабени жеңди. Роберт Мугабе өлкөнү 28 жылдан бери башкарууда. Оппозиция бийлик шайлоо жыйынтыгын бурмалайт деп кооптонууда.
