Баткен облусундагы иш сапарында Кыргызстан мусулмандар дин башкармалыгынын башчысы Муфтий Мураталы Жуманов, аймактагы мечит, медреселердин абалы жана имам хатибдердин деңгээлин карап чыкты. Мураталы ажы Жумановдун «Азаттыкка» берген маалыматына ылайык, даватчылык реформага муктаж. Бул жыйынтыкка коомчулуктун, күч органдарынын жана коопсуздук комитетинин кызматкерлеринин даватчылыкка болгон пикирлеринен улам келип отурат. Үстүбүздөгү жылдан баштап Кыргызстан мусулмандар дин башкармалыгы даватчылык жаатында жаңы ыкмага өтүүсү күтүлүүдө. (SA)
