Каркыра жайлоосундагы, Таластагы, Чүй суусунун жанындагы чегара аймактары, Ысыккөлдөгү төрт пансионат Казакстандын карамагына берилбесин деген талап менен нааразылык акциясына чыккан жаштарды Биринчи Май райондук ИИБнин кызматкерлери кармап кетти. Ушул тапта элүүдөй улан-кыз райондук милиция бөлүмүндө отурушат. “Атамекен” партиясынын жаш канатынын лидери Жоомарт Сапарбаев “Милиция бизди кармабас үчүн жерди сатыш керек, деп чыгуу керек болуп калды окшойт,” деген нааразылыгын “Азаттыкка” билдирди. (ZKo)
