Бүгүн Ашгабатта Евробиримдиктин жана Борбор Азия өлкөлөрүнүн тышкы иштер министрлери пленардык отурумга чогулушту. Кыргызстандын тышкы иштер министри Эднан Карабаев Евробиримдик менен экономикалык жаатта кызматташууга өлкө даяр экенин билдирди. Ал эми Бишкекте суу академиясын ачуу тууралуу долбоордун иши боюнча маалымдаган Евробиримдиктин комиссары Б. Ферреро-Валднер аталган долбоор Евробиримдиктин колдоосуна ээ болгондугун билдирип, бардык Борбор Азия өлкөлөрүн тыгыз кызматташууга чакырды. Бул тууралуу тышкы иштер министрлигинин маалымат кызматы кабарлады. (ZKo)
