Парламентке келип, депутаттык милдеттенмелерин толук аткарбагандыгы үчүн ЖК төрагасы эл аралык мамилелер комитетинин төрагасы Эрик Арсалиев менен анын орунбасары Кабай Карабековду “парламентте эң сейрек кездешүүчү” депутаттар катары баалады. Адахан Мадумаров Эрик Арсалиевди комитет мүчөлөрү менен кошо кыргыз-казак чегарасына байланыштуу документтерди депутаттарга тез арада таратып берүүнү тапшырды. Мындан тышкары “Миң жылдыктын чакырыктары” долбооруна Кыргызстанды киргизүү тууралуу мыйзам долбоорун кечиктирип алып келгени үчүн президенттик администрацияны да сындап өттү. (ZKo)
