Августта Бээжинде өтө турган Олимпиада маалында кол салууларды даярдап жаткан эки террорчул уюм түндүк-батыштагы Шинжаң чөлкөмүндө табылганын Кытайдын коомдук коопсуздук министрлиги маалымдады. Марттын аягынан бери чөлкөмдө 40тай киши камакка алынды. Укук коргоочулар Шинжаңдагы уйгурлардын өкмөткө каршы акцияларынан улам Кытай бийликтери мусулмандар басымдуулук кылган чөлкөмдү көзмөлдөөнү күчөткөнүн айтышат.
