“Ратификация деген сөздүн маанисин кыргыз өкмөтүнүн алдындагы регионалдык маселелер боюнча бөлүм башчысы Саламат Аламанов “бекитүү” деп туура которуп берди. Бекитилген документти кантип бузабыз?” деп күйүп-бышты депутат. Ал өткөн бийлик кыргыз-кытай чегарасын да чыр менен бүтүрүп берген, бул жолу да кыргыз-казак чегарасын аныктоо ушундай нааразылыктар менен ишке ашып жатышы туура эместигин белгилеп, “Бир нече кишини чогултуп алып эле, мына жергиликтүү тургундар суранып атат, дегендин өзү туура эмес”, деген пикирин билдирди. Иса Өмүркулов кесиптештерин келишимди ратификациялоого шашылбоого чакырды. (ZKo)
