“Ата Мекен” партиясынын төрагасы өз докладында азыркы бийлик жүргүзүп жаткан саясат Кыргызстандын келечегине балта чабат деп, башкы байлыгы болгон энергетика тармагы менен кен байлыктарын менчиктештирүү бир гана адамдын кызыкчылыгы үчүн жасалып жатат деп билдирди. Мындай саясатты токтотуу үчүн бийлик системасын өзгөртүп, бир адамдын бийлик монополиясын жоюу, коомдук көзөмөлдүктү күчөтүп, маалымат мейкиндигин ачыктоо, экономикада эркин атаандыштыкты күчөтүү жана жагалданма кошоматчыл, регионалдык кызыкчылыкты башкы курал кылган адамдарды жоопко тартуу керектигин билдирди. Мындай аракеттерди ишке ашырууда башкы күч карапайым эл деп белгиледи. (BD)
